الديك الرومى بالفرن...............
احب اوضح ان الديك الرومى دة بلدددددددددددددى فعشان كدة هيكون رفيع حبتين فى الصورة طبعا معروف ان الطيور البلدى بتكون مش طخينة زى بتاعة المزارع وانا بحب الطيور بلدى
التتبيلة داخل الديك(التجويف):
1م/ك روزمارى
2م/ص مريمية 2 م/ص زعتر
1 1/2 م/ص ملح
1 1/2 م/ص فلفل اسود
1/2 م/ص كمون
التتبيلة التى يدهن بها الديك من الخارج:
1م/ك روزمارى
2م/ص مريمية 2 م/ص زعتر
1 1/2م/ص ملح
1 1/2 م/ص فلفل اسود
1/2م/ص كمون
1 كوب زبدة مذابة
عصير 2 برتقالة مع الاحتفاظ بالقشر
عصير 4 ليمون
1 م/ص سكر بنى او عادى
المطلوب يوم التسوية فى الفرن:
1 عصير برتقالة مع الاحتفاظ بالقشر
3 فصوص ثوم
1 بصلة متوسطة
3 ليمون مقطع انصاف
6 حبهان
6 ورق لورا
3عصير ليمون
5 جزر
بصلة مقطعة شرائح ومدعوكة بملح وفلفل وبهارات
الطريقة:
ملحوظة :بعد سلق الديك وقبل التتبيلة يجب تنشيف جسم الديك بورق مناديل مطبخ او قطعة قماش.
1- فى اليوم اللى قبل وضع الديك فى الفرن ممكن سلق الديك لتسويته نصف سوا فى حلة على النار بها بهاراات وملح وفلفل اسود وبصلة ولورا وحبهان وذلك بوضع اولا جهة الصدر فى الماء مدة نصف ساعة ثم يقلب نصف ساعة اخرى .
2- يترك ليبرد قليلا ثم يتبل من الداخل والخارج بالمكونات المذكورة فى الاعلا
3- يوضع فى الثلاجة ليلة كاملة
ملحوظة :ممكن عدم سلق الديك فقط يتبل قبلها بيوم فى الثلاجة ويدخل الفرن تانى يوم
ملحوظة :ممكن عدم سلق الديك فقط يتبل قبلها بيوم فى الثلاجة ويدخل الفرن تانى يوم
4- تانى يوم نسخن الفرن 220 درجة مئوية
5- فى صينية نضع حوالى خمس جزرات بحيث ان الديك ينام عليهم فى الصينية ولا يلتصق بها
6- نضع فى قاع الصينية بصلة مقطعة شرائح ومدعوكة بفلفل اسود وملح وبهارات وعصير برتقالة وعصير 3 ليمونات ونضع قشر برتقالة وقشر ال3 ليمونات و 2 كوب كبير ماء و3 ورقات لورا و3 حبهان ونضع الديك فى الصينية فوق الجزر
7- نضع فى تجويف الديك قشر ال2 برتقالة اللى كنا احتفظنا به فى اليوم اللى قبله من التتبيلة و 3 ليمون مقطع انصاف و3 لورا و3 حبهان وبصلة متوسطة و3 فصوص ثوم ونربط رجله.
8- يدخل الفرن الساخن بحيث نضع الشبكة على ارض الفرن وعليها صينية الفرن وبعدين الصينية الفويل (لان انا ماكنش عندى صينية مقاس الديك )
(اذا متوفر صينية كبيرة تبطن بالفويل وتوضع على الشبكة مباشرة) ويغىطى هوة والصينبة بالفويل جيدا لان الفويل يساعد على السوا.
(اذا متوفر صينية كبيرة تبطن بالفويل وتوضع على الشبكة مباشرة) ويغىطى هوة والصينبة بالفويل جيدا لان الفويل يساعد على السوا.
9- بعد مرور ساعة نفتح الفويل ونهدهن الديك بالصوص اللى نزل منه ونعمل كدة كل شوية حتى تمام السواياخد حوالى 3 ساعات او اكتر حسب حجم الديك.
10- ننزع الفويل ونشغل الشواية حتى يحمر
11- يترك ليبرد ثم يقطع لانه لو اتقطع وهوة سخن بيفقد السوائل اللى بداخله ويجف لحمه.
وبالهنا والشفا
ماشاء الله ما شاء الله
ردحذفشكله جميل خالص تسلم ايدك
أنا برده بحب الديك البلدي وبحب الطبله بتاعته
:)
أنا عملت ديك ابيض بيبقى كبير ومنظر لكن طعم البلدي بيكون افضل
نانا
ايوة الابيض بيكون مقلبظ كدة ومالى الصينية ههههههههههه بس طبعا برضه بحب البلدى
ردحذف