صينية الرقاق المصرى
بالنسبة لعجينة الرقاق المصرى فهى سهلة جدا مجرد دقيق وماء وملح وتستريح وبعدين تتفرد جيدا وتدخل الفرن عادة فى مصر بنشتريها من ناس فلاحين بيكونوا فى السوق بيخبزوها فى البيت او ممكن جاهزة فى علب فى السوبر ماركت بس طبعا الفلاحى اللى من السوق بتكون احلى لكن كمان سهل تحضيرها فى البيت لو مش متوفرة
اولا
اللحم المفروم المعصج:
هنا
هنستخدم للصنيتين حوالى 1/2 كيلو لحم مفروم
- نضع زيت عالنار وبصلة صغيرة حتى تصفر فقط مجرد تصفر فقط
- ونضع اللحم المفروم ومعاها بصلة صغيرة ثانية مبشورة ونقلب حتى يتغير لون اللحم
- نضع فلفل اسود وملح وبهارات ورشة قرفة ومعلقتين كبار من معجون الطماطم (المقصود : الطماطم التى تحضر منزليا للتخزين والطريقة هى:تعصر الطماطم وتصفى ثم توضع على النار حتى تقل كميتها للثلث تقريبا اى حتى تتسبك) اذا كانت غير متوفرة ممكن نبشر حبتين طماطم ونضعهم
- نضع حوالى 1/2 كوب ماء او شوربة لحم
- بعد الغليان نتركها على نار هادئة حتى تمام التسوية وحتى تجف السوائل
لتحضير صينية الرقاق:
1. صينية الرقاق تحتاج 5
طبقات رقاق مصرى 3 طبقات فى الاسفل ثم اللحم المفروم المعصج ثم طبقتين
2. سمن مذابة
3. صينية مدهونة بالسمن
4. شوربة لحم
5. اللحم المفروم المعصج
الخطوات:
- نغلى الشوربة على النارثم نضعها فى طبق غويط
- نبلل اول ورقة رقاق بالشوربة بالاستعانة بامغرفة الطعام الكبيرة
- نضعها على فوطة مطبخ نظيفة جافة او اى قطعة قماش نظيفة جافة
- نكرر الخطوة السابقة حتة ننتهى من كل ورقات الرقاق
نجد ان الرقاق اصبح طرى مثل قطعة
القماش سهل التحكم به جدا كما فى الصورة وذلك لاننا تركناه على قطعة القماش
فتشرب الشوربة جيدا واصبح طرى والفوطة امتصت الشوربة الزائدة
5. نضع اول طبقة رقاق فى الصينية المدهونة واذا كانت
اكبر من الصينية نقطعها بحيث تكون مناسبة للصينية
6. ندهن السمن بفرشاة على طبقة الرقاق الاولى
7. نضع الطبقة الثانية والثالثة مع دهن كل واحدة
بالسمن
8. نضع اللحم المفروم المعصج
9. ثم نضع آخر طبقتين مع دهن كل منهما بالسمن مع
محاولة تظبيط اخر طبقة وادخال اطرافها فى جوانب الصينية كما بالصورة
10. تدخل فرن 200 ساخن من قبل بشوية
اذا كنا عايزين الوجه مقرمش ومن الداخل طرىنتركها
حتى يحمر الوجه دون ان نشغل الشواية كما بالصورةواذا كان ناشف اوى ممكن نغمس
الفرشاة فى الشوربة و ندهن الوجه
اذا كنا عايزينه طرى نوعا ما اول ما يحمر من تحت
نطفى من تحت ونشغل الشواية ثوانى حتى يحمر الوجه
اول ما تطلع من الفرننغطى الصينية بفوطة ونتركها
حتى تبرد قليلا
تقطع حسب الرغبة وتوضع فى طبق التقديم
وبألف هنا وشفا
جميلة جدا تسلم ايدك
ردحذفجميلة جدا تسلم ايدك
ردحذف