المقادير:
3 كوب دقيق
1/4 كوب سكر عادى
1 م/ص ملح
1 م/ك خميرة فورية
1 م/ص بيكنج بودر
3 م/ك لبن بودر
1/4 كوب زيت ذرة
1 كوب ماء دافئ جدا
للحشو:
4 م/ك زبدة لينة جدا اى فى درجة حرارة الغرفة
1/4 كوب كاكاو بودر خام(يمكن الاستغناء عنه وانا افضل ذلك)
2 م/ك قرفة
1/2 كوب سكر ناعمةالحببات اى عادى
صلصة الشيكولاتة:
1/2 كوب كريمة
100 جم شيكولاتة
1 م/ك كاكاو خام بودر
1/2 م /ص فانيليا
(احيانا بعمل الصوص دة باى شيكولاتة عادية زى جالكسى او كادبورة اسيحها على حمام بخار ومعاها قليل من اللبن بحيث تحصلى على السماكة اللى انتى تحبيها)
صلصة السكر:
11/2 كوب سكر بودرة
كوب كريمة
نستخدم العجانة او الفود بروسيسوربالاداة الخاصة بالعجن
1- نضع الدقيق ثم الحليب البودر والملح والسكر والخميرة والبيكنج بودر ثم نضيف الماء والزيت ثم نعجن حتى نحصل على عجينة ناااااااعمة وطرية (طبعا لو مش عندك عجانة هتعجنى بأيدك ولو بالبروسيسور اكيد برضه هتكملى بأيدك) كل ما تعجنى اكتر العجينة هتكون افضل.
2- نضعها فى طبق غويط مدهون زيت قليل جدا من الجوانب والقاع وكمان حطى على ايدك كمية زيت قليلة وادهنى كدة على وش العجينة ونغطيها بكيس او البلاستيك فيلم وفوقه فوطة تقيلة وضعيها فى مكان دافئ لمدة ساعة ونص او حتى يتضاعف حجمها كثيرا.
3- على طرابيزة رخام هنرش دقيق بسيط ونفرد العجينة بالنشابة سمك حوالى 1/2 سم ونفرد عليها الزبدة الطرية بس ماتحطيش حشو على الاطراف اوى عشان واحنا بنلف ونرش السكر والقرفة والكاكاو.
4- نيجى بقى لاهم حاجة لفها على شكل رول هتيجى من الطرف وتلفى بس تلفى وانتى بتزنقى اللفة جامد اوى والا هتفك فى الفرن ممكن تقسمى العجينة نصفين لو مش بتحبى انها تكون طخينة لكن انا بحبها طخينة فعملت العجينة كلها رول واحد وتيجة فى اخر جزء فى اللفة وتلزقيه كويس اوى يعنى تقفليها كويس اوى برضه عشان ماتفكش يعنى كأنك بتدبسيها او تقرصى عليها كدة عشان ماتفكش.
5- تقطعيها بالسمك اللى تحبيه بس السكينة تكون حامية عشان ماتبوظش الرول.
6- نكون محضرين صاج مدهون بسيط اوى زيت وعليه ورق زبدة (شمع) وممكن تستبدلى الزيت وورق الزبدة بورق فويل بس هوة مش صحى فالافضل ورق الزبدة.
7- ترصى السينامون فى الصاج وتتركها تستريح حوالى 1/2 ساعة .
8- تدخل فرن رف اوسط يكون ساخن من قبل بحوالى 15 دقيقة على 200 درجة مئوية لمدة 12 دقيقة تقريبا طبعا ماتسبيش الفرن لان ممكن تتحرق يعنى تفضلى امام الفرن وتاخدى بالك اول ما تحمر من تحت والجوانب شوية شغلى الشواية لثوانى.
لما تطلع تتركيها تبرد خالص ونحضر الصوص
1- بالنسبة لصوص السكر:
نحط السكر البودرة وشوية شوية الكريمة ونقلب بالمعلقةاو مضرب يدوى حتى يصبح بالسمك اللى تحبيه
ولما تبرد السينامون تصبى عليه الصوص
2- صوص الشيكولاتة :
ابشرى الشيكولاتة بالسكينة وحطى عليها الكاكاو
اغلى الكريمة على نار هادية واول ما تغلى صبيها على الشيكولاتة والكاكاو وحركى الطبق دون ان تقلبى وبعد دقيقة قلبى بالراحة وحطى الفانيليا وفى الاول هتجديها مكلكعة دة عادى استمرى فى التقليب حتى تمتزج الكريمة والشيكولاتة وتحصلى على صوص رائعععععععععععع
ودة شكلها النهائى
وبالهنا والشفا
حاجات تفتح النفس
ردحذف:)
أنا عمري ماعملتها بس شكلها حلو قوي تسلم ايدك
طعمه تحفة لازم تجربيه ان شاء الله
ردحذفبتهيالي في غلطه في كتابة مقدار الميه
ردحذفهو كوب مش ربع كوب
لاني لما جيت اعمله لقيتها مش نافعه تعجن
فدخلت وشفت مقادير منال العالم ووجدتها كوب
أنا عملته والحمد لله شكله حلو لكن لسه مدقتش
ردحذفبس أنا كنت فكره إنك عمله بالكميه كلها 6 قطع فلما جيت اعمل لقيتهم هيبقو تخن فزودت بس ممكن بعد كده ازود أكتر لاني عملت 8 فهشوف تخينه ولا إيه
ولما قطعتها مكنتش واخده بالي إني اقلبها وادوس سنه عليها فشفت منال وعملت
يعني متشكرين جدا إنك شجعتيني أعملها ولما ندوق لو فيه حاجه هقول لك
فعلا هوة مقدار الماء المفروض كوب
ردحذفمعلش هية غلطة لكن عموما احنا فى العجن مبنحددش مقدار الماء لان كل نوعية دقيق بتحتاج كمية مختلفة من السائل اللى يتعجتى بيه
وشكرا على الملاحظة
مبسوطة جدا انك جربتيه وعجبك
ردحذفانت لو مكنتش حددت مقدار ماء أنا كنت عجنت لحد مااتعجنت زي أي عجينه بعملها . لكن لما قلت ربع استغربت وقلت شكلها نوع عجينه مختلف
ردحذف:)
ههههههههههههه الحمد لله جت سليمة
ردحذف