لازانيا تحفة وسهلة بالصور خطوة خطوة...........
1- هنحضر الصينية اللى هنعمل فيها اللازانيا ونحدد عدد ورقات اللازانيا التى سنحتاجها .
2- نضع على النار ماء حتى الغليان نضع فيه معلقة ملح ومعلقتين زيت حتى لا تلتصق ورقات اللازانيا فى بعض ثم نضع اللازانيا تسلق لمدة 8 دقائق فقط.
3-نرفعها من الماء المغلى فى طبق به ماء بارد من الحنفية وحاولى ابعديها عن بعضهاحتى لا تلتصق فى بعض مع الحرص حتى لا تتقطع .
4- تكونى محضرة قبلها عصاج لحمة مفرومة.
5- وكمان مشروم يكون متشوح فى بصلة مصفرة وعليه ملح وففل اسود او من غير بصلة يعنى فى سمن على طول .
6- وكمان تكونى محضرة جبن موزاريلا وجبن رومى مبشور كتيير.
7- وطبعا تكونى عاملة بشاميل لا سميك ولا خفيف ولما تطفى عليه حطى فيه ملح وفلفل اسود او ابيض وشوية جبن موزاريلا .
8- ندهن الصينية قليل من الزيت ونضع فيها طبقة رقيقة من البشاميل وتفرديها فى الصينية.
9- ونضع طبقة لازانيا بحيث تكون طبقة واحدة بس وبعدين نضع عصاج ومشروم وجبن رومى وموزاريلا.
10- ثم طبقة لازانيا ثم طبقة بشاميل ثم العصاج والمشروم والجبن وهكذا .
11- انا عملت اربع طبقات لازانيا وبتنهى بالبشاميل وتحطى على الوش جبنة رومى كتير وممكن موزاريلا اذا بتحبيها على الوش
12- تدخل الفرن ساخن الرف الاوسط 180 - 200 درجة حوالى 30 دقيقة وطبعا فى اخر دقيقتين كدة بتشغلى الشواية عشان الوش يحمر .
وبالهنا والشفا
الله شكلها حلو قوي
ردحذفأنا بحب الزانيا جدا وبعملها لاني بحث انها اسهل في التقطيع من المكرونه الباشميل
تسلم ايدك
فعلا وطعمها كمان احلى من المكرونة بالبشاميل
ردحذفلانها طبقة رقيقة اوى فبتكون جمييييييييييييلة